Trosolwg o'r swydd

Sylwch ar gyfer myfyrwyr Cymru, rhaid i chi wneud cais trwy Symleiddio lle gellir dod o hyd i’r holl swyddi sydd ar gael.

Mae cyfle cyffrous wedi codi i weithio fel Cydlynydd Nyrsio Ardal yn Ysbyty Maelor Wrecsam o 22 Chwefror 2026. Mae’r rôl yn cynnwys cysylltu â’r Tîm Rhyddhau, Tîm Nyrsio Ward, Tîm Amlddisgyblaethol, Ymarferwyr Nyrsio ac asiantaethau eraill i ddarparu gwasanaeth medrus, effeithiol ac effeithlon sy’n canolbwyntio ar gleifion yn y broses o ryddhau cleifion o’r Ysbytai Llym a Chymuned i’r gymuned.

Mae’r swydd yn 15 awr yn cwmpasu 2 diwrnod yr wythnos , i fodlon’r gofynion gwasanaeth.

Prif ddyletswyddau'r swydd

Bydd deilydd y swydd yn gweithio mewn rôl annibynnol ochr yn ochr â Gwasanaeth Nyrsio Ardal yn BIPBC i gynllunio at ryddhau cleifion yn ddiogel ar ôl iddynt gael eu derbyn i'r ysbyty.  Bydd disgwyl iddo/iddi weithio ar y cyd ag asiantaethau eraill i gynllunio yn glinigol heb oruchwyliaeth uniongyrchol er mwyn sicrhau bod cynllunio at ryddhau'n brydlon, yn drefnus ac yn effeithiol.

Mae’r gallu i siarad Cymraeg yn ddymunol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.  

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.