Trosolwg o'r swydd

MAE’R SWYDD HON AM GYFNOD PENODOL/SECONDIAD AM 12 MIS  OHERWYDD CWRDD GOFYNION Y GWASANAETH

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON. 

Rydym yn chwilio am Nyrs Ddeintyddol dalentog a threfnus. Bydd gan yr ymgeisydd llwyddiannus alluoedd clinigol ac arwain profedig, sgiliau trefnu ardderchog a'r gallu i ddatrys materion lluosog mewn cyd-destun carchar cyfnewidiol.

Mae'n rhaid i chi feddu ar Dystysgrif mewn Nyrsio Deintyddol neu gymhwyster cyfwerth ag NVQ a Chofrestriad Cenedlaethol.

Prif ddyletswyddau'r swydd

Bydd deilydd y swydd yn gweithio'n bennaf yng Ngharchar EM Berwyn ond gallai fod angen iddo deithio o fewn ardal leol Gwasanaeth Deintyddol Cymunedol Gogledd Cymru, er enghraifft, clinigau, ysbytai, ysgolion, ymweld â chartrefi, unedau deintyddol symudol ac i roi triniaeth ar safleoedd eraill, er enghraifft, cartrefi nyrsio.

Cefnogi gwaith y tîm deintyddol trwy ddarparu sgiliau nyrsio deintyddol

Gan weithio yn unol â nodau ac amcanion Manyleb Gwasanaeth Deintyddol Carchar EM Berwyn tra byddwch ar y safle a gofynion gwasanaeth, polisïau a gweithdrefnau'r Gwasanaeth Deintyddol Cymunedol tra byddwch ar safleoedd y Gwasanaeth Deintyddol Cymunedol.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.