Trosolwg o'r swydd

Mae'r swydd hon yn Gyfnod Penodol/Secondiad am 21 mis tan 06/01/2027 cwrdd gofynion y gwasanaeth.

Mae cyfle cyffrous wedi codi am Seicolegydd Clinigol/Ymarferydd Seicoleg i ymuno â'r Gwasanaeth Seicoleg Diabetes ym Mwrdd Iechyd Prifysgol Betsi Cadwaladr (BIPBC). Dyma wasanaeth y'n cynnwys dri Seicolegydd llawn amser , a dyma’r tîm arbenigol seicoleg diabetes oedolion cyntaf yng Nghymru. Bydd y swyddi wedi'u lleoli yn Ysbyty Wrecsam Maelor, sydd o fewn pellter cymudo o Gaer, Lerpwl ac Amwythig.

Mae'r gwasanaeth yn weithredol o ran ymchwil, mae ganddo gysylltiadau cryf â rhwydweithiau Seicoleg Diabetes Cymru a'r DU, Grŵp Gweithredu Diabetes Cymru Gyfan a rhanddeiliaid y trydydd sector. Bydd deiliad y swydd hefyd yn aelod o Adran Seicoleg Glinigol Iechyd BIPBC, sy'n adran gefnogol, gyfeillgar ac adran sy’n tyfu o ran Seicolegwyr Clinigol a Seicotherapyddion sy'n gweithio mewn gwasanaethau iechyd corfforol ar draws BIPBC ac mae gan yr adran gysylltiadau cryf â Rhaglen Seicoleg Glinigol Gogledd Cymru.

**Sylwch y bydd angen i ymgeiswyr mewnol sy'n dymuno ymgymryd â'r rôl fel secondiad gael caniatâd eu rheolwr llinell cyn gwneud cais.**

Prif ddyletswyddau'r swydd

Bydd yn ofynnol i ddeilydd y swydd wneud gwaith clinigol yn Gwasanaeth Diabetes Oedolion Ddwyrain BIPBC, gan weithio'n uniongyrchol ac yn anuniongyrchol gyda pobl sy’n buw gyda diabetes, teuluoedd ac aelodau staff. Bydd deiliad y swydd yn cael ei ymgorffori yn y tîm diabetes gofal eilaidd lleol, a bydd yn gweithio ochr yn ochr â'r arweinydd gwasanaeth Seicolegydd Clinigol Ymgynghorol. Bydd y Seicolegydd hefyd yn darparu hyfforddiant, goruchwyliaeth, ymgynghoriaeth a chyngor i gydweithwyr amlddisgyblaethol ar agweddau seicolegol ar reoli diabetes ac yn cyfrannu at werthuso a chynllunio gwasanaethau. Yn ogystal â gweithio ym maes gofal eilaidd, gall deiliad y swydd hefyd weithio mewn lleoliadau gofal cymunedol neu ofal cychwynnol. Bydd pob deiliad swydd yn cael hyfforddiant sy'n benodol i ddiabetes.

Mae’r gallu i siarad Cymraeg yn ddymunol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.