Trosolwg o'r swydd

Ydych chi'n chwilio am swydd satsifying yn gweithio gyda thîm cyfeillgar o fewn gwasanaeth diddorol ac amrywiol? Rydym yn chwilio am weinyddwr i gefnogi gwaith ein Deietegwyr yng ngwasanaeth Deieteg Dwyrain.

Darparu gwasanaeth gweinyddol cywir a phrydlon i hwyluso darpariaeth gwasanaeth trefnu apwyntiadau effeithiol ac effeithlon.  Darparu cefnogaeth derbynfa a neilltuo cynhwysfawr i'r Gwasanaethau Therapi, gan arddangos arddull gwrtais, broffesiynol a sensitif bob amser.  Mae disgwyl i ddeilydd y swydd flaenoriaethu, rheoli ei amser a dangos llawer o hyblygrwydd.

Prif ddyletswyddau'r swydd

Bydd eich rôl yn cynnwys mewnbynnu cyfeiriadau cleifion ar y system gweinyddu cleifion a chysylltu â chleifion drwy lythyr, ebost a ffôn i drefnu apwyntiadau. 

Mae sgiliau TG rhagorol, yn ddelfrydol mewn defnyddio system gweinyddu ysbyty (neu tebyg) yn hanfodol a bydd angen i chi fod yn gyfathrebwr ardderchog, doeth.

Rydym yn chwilio am unigolyn i fod yn rhan o'r tîm, sy'n gweithio'n hyderus ac effeithiol, yn gynorthwyol, yn gwrtais, yn broffesiynol a sensitif pob amser.

Yn sgil natur y dyletswyddau, bydd yn ofynnol i ddeilydd y swydd gadw cyfrinachedd a bydd disgwyl iddo/iddi ddelio â chleifion, gofalwyr, perthnasau, staff meddygol a defnyddwyr gwasanaeth eraill, dros y ffôn ac ar bapur, a hynny’n gwrtais a chan ddefnyddio doethineb bob amser.

Mae'r gallu siarad Cymraeg yn hanfodol ar gyfer y swydd hon (Cymraeg lefel 4-5). 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.