Swydd-ddisgrifiad a phrif gyfrifoldebau manwl

• Cyfrifoldeb uniongyrchol am asesu, archwilio, ymchwilio a gwneud diagnosis o gleifion yn eu maes gwaith dan oruchwyliaeth uniongyrchol neu anuniongyrchol Mentor/Goruchwyliwr Ymgynghorol fel y nodir yn fframwaith llywodraethu ACP.
• Dangos dealltwriaeth feirniadol o'u lefel ehangach o gyfrifoldeb ac ymreolaeth a chyfyngiadau eu cymhwysedd eu hunain a sgôp ymarfer proffesiynol.
• Trin cleifion yn briodol, gan arwain at reolaeth ddiogel ac atgyfeirio neu ryddhau cleifion â symptomau heb eu gwahaniaethu a heb ddiagnosis.
• Derbyn atgyfeiriadau trwy amrywiaeth o ffynonellau, gan gynnwys atgyfeirio gan gleifion yn uniongyrchol. Gweithio o fewn protocolau ac arferion gwaith y cytunwyd arnynt.
• Cymryd rhan mewn clinigau amlddisgyblaethol, cymryd rhan mewn rowndiau ward, adolygiadau cleifion a chyfarfodydd tîm amlddisgyblaethol.
• O dan oruchwyliaeth uniongyrchol, ymgymryd ag amrywiaeth o sgiliau clinigol a darparu triniaeth/cyngor yn unol â'r arbenigedd a sgôp yr ymarfer, hyd nes y cyflawnir lefel briodol o gymhwysedd gan ddefnyddio protocolau ymarfer clinigol a chanllawiau proffesiynol y cytunwyd arnynt. Gellir darparu'r gwasanaeth hwn mewn cyfleuster gofal iechyd eiliadd acíwt neu mewn lleoliadau Ardal, cymunedol neu ofal cartref. 
• Ar ôl cwblhau cynnwys damcaniaethol creiddiol priodol a chwblhau asesiad cymhwysedd (o fewn sgôp ymarfer) gofyn am a/neu gynnal gweithdrefnau diagnostig ac ymchwiliadau clinigol sy'n ymwneud â chynlluniau gofal.
• Ymgymryd â chwblhau rôl Rhagnodi Anfeddygol. Pan fo’r hyfforddiant angenrheidiol wedi’i gwblhau, cynghori ar faterion rheoli meddyginiaeth sy'n gysylltiedig â'r grŵp arbenigedd cleifion. Gweithio o fewn polisi'r Bwrdd Iechyd ar gyfer Rheoli Meddyginiaethau. 
• Defnyddio gwybodaeth a sgiliau uwch sy'n ymwneud â'r arbenigedd i roi cyngor arbenigol i aelodau eraill o'r tîm amlddisgyblaethol ar sail asesu cleifion.
• Darparu gwasanaeth di-dor o ansawdd uchel o atgyfeirio hyd at asesiad, diagnosis, triniaeth ac adolygiad, gan gyfeirio at arbenigwyr eraill yn ôl yr angen. Darparu arweiniad i staff, cleifion a'u teuluoedd a gofalwyr ar lywio llwybrau.
• Defnyddio sgiliau cyfathrebu hynod ddatblygedig i gyfathrebu’n effeithiol â chydweithwyr, cleifion a’u perthnasau/gofalwyr, llunio adroddiadau a chysylltu yn ôl yr angen â staff meddygol ac aelodau eraill o’r tîm amlddisgyblaethol ar lafar ac yn ysgrifenedig.
• Defnyddio crebwyll proffesiynol i fod yn eiriolwr i gleifion er mwyn sicrhau dull o ddarparu gofal sy'n canolbwyntio ar y claf. Cefnogi a galluogi cleifion a gofalwyr i wneud penderfyniadau gwybodus ynghylch eu triniaeth a’u rheolaeth. Uwchgyfeirio unrhyw bryderon trwy'r strwythurau nyrsio / proffesiynol yn ôl yr angen.
• O dan oruchwyliaeth, gwaith tuag at ryddhau a/neu drosglwyddo gofal cleifion yn ddiogel ac yn amserol o neu rhwng ysbytai a gwasanaethau a gweithwyr gofal iechyd proffesiynol, gan sicrhau bod rhwystrau rhag rhyddhau / trosglwyddo yn cael eu nodi a'u gweithredu'n briodol.
• Adrodd a chodi pryderon yn ymwneud â Diogelu, cael mynediad at gyngor a chymorth yn ôl yr angen. Bod yn gyfarwydd â pholisïau BIPBC ar gyfer diogelu gan gynnwys asesu Galluedd Meddyliol, ac ystyried Trefniadau Diogelu wrth Amddifadu o Ryddid (DOLS) a chymhwyso egwyddorion Prevent (ymwybyddiaeth gwrthderfysgaeth).
• Sicrhau trosglwyddiad llafar neu ysgrifenedig effeithiol a chywir rhwng gweithwyr gofal iechyd proffesiynol.
• Sicrhau bod safonau uchel yn yr holl ddogfennaeth yn cael eu cynnal, gyda gwybodaeth gywir, gyflawn a chyfredol yn cael ei chadw yn unol â safonau'r Bwrdd Iechyd.
• Ymgymryd â hyfforddiant i ddatblygu rolau ymarfer clinigol uwch pellach sy'n ofynnol gan y gwasanaeth er mwyn darparu safon uchel o ofal i gleifion.
• Darparu tystiolaeth o gymhwysedd clinigol gyda phortffolio ymarfer clinigol uwch i'w gyflwyno fel rhan o'r adolygiad blynyddol o broses ymarfer clinigol.
• Ymarfer yn unol â’u cod ymddygiad priodol ac o fewn eu sgôp ymarfer, bod yn gyfrifol ac yn atebol am eu penderfyniadau, eu gweithredoedd a’u hanweithiau ar y lefel hon o ymarfer.

Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac.