Trosolwg o'r swydd

Mae cyfle cyffrous wedi codi ar gyfer Ceidwad Tŷ Band 3 i ymuno â'r ward Morris yn Ysbyty Maelor Wrecsam.

Bydd deilydd y swydd yn gweithio fel rhan annatod o dîm y ward. Byddwch yn gyfrifol am gydlynu holl gyfleusterau/gwasanaethau cleifion yn y ward ac yn sicrhau amgylchedd glân, diogel a chyffyrddus.
Cydweithio gyda’r Cydlynydd Gwirfoddolwyr o ran goruchwylio Gwirfoddolwyr (Robiniaid) a all fod yn gweithio yn y lleoliad clinigol.

Prif elfen y rôl yw sicrhau bod gwaith glanhau, arlwyo a mân waith cynnal a chadw yn digwydd, ynghyd â thasgau eraill i gwrdd ag anghenion y cleifion, fel y pennir gan sister y ward/ nyrs â gofal neu’r arweinydd clinigol.

Bydd gofyn i ddeilydd y swydd weithio’n agos gyda chontractwyr ac adrannau gwasanaethau cefnogi. Bydd o/hi yn monitro safonau ansawdd ac yn cywiro diffygion mewn cysylltiad â Rheolwr y Ward/Nyrs Glinigol Arweiniol ac yn gweithio o dan gyfarwyddyd Uwch Howsgiper y Bwrdd Iechyd.

Mae hon yn swydd barhaol 7.5 awr.

Prif ddyletswyddau'r swydd

Disgwylir i'r person yn y swydd sicrhau cyflwyno'r cyfrifoldeb glanhau ar gyfer yr adran, gwaith mân, cynnal a chadw offer, gyda thasgau penodol eraill i gwrdd â anghenion Uned Asesu brysur, disgwylir i'r person yn y swydd weithio'n agos gyda chontractwyr a chefnogi gwasanaethau/adran eraill.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.