Trosolwg o'r swydd

Negesydd / Unigolyn Cadw Stoc Fferyllfa

Mae cyfle cyffrous wedi codi i ymgeiswyr addas ymuno â thîm y Fferyllfa yn y rolau o Negesydd / Unigolyn Cadw Stoc Fferyllfa.

Mae'r swydd hon yn cwmpasu 2 faes o ddyletswyddau cylchdro:

• Mae rôl yr unigolyn cadw stoc hylifau o fewn storfa’r Fferyllfa gyda chyfrifoldeb am dderbyn nwyddau,  ychwanegu at hylifau a meddyginiaethau a'u dosbarthu i wardiau / adrannau a chynnal a chadw stoc.
• Rôl y negesydd yw bod yn gyfrifol am sicrhau dosbarthu archebion a meddyginiaeth yn brydlon rhwng dosbarthfa'r Fferyllfa a'r wardiau / adrannau.

Oriau gwaith fydd:

• Unigolyn cadw stoc - Dydd Llun i Ddydd Gwener 08.15-16.30
• Negesydd - Dydd Llun i ddydd Gwener 9.30 - 17.45

Bydd y swyddi yn cynnwys rota 1 penwythnos mewn 4 a rota gŵyl banc gan weithio dydd Sadwrn 08.30-13.30 a dydd Sul 08.30 - 13.30 gyda diwrnod i ffwrdd yr wythnos ganlynol. 

Prif ddyletswyddau'r swydd

Mae'r Cynorthwyydd Cefnogi Fferyllfa (Unigolyn Cadw Stoc / Negesydd) yn gwneud amrywiaeth o ddyletswyddau arferol o ran ychwanegu at nwyddau stoc fferyllfa a nwyddau nad sy'n stoc a chynnyrch cysylltiedig i bob wardiau ac adrannau yn Ysbyty Maelor, Wrecsam.

Bydd deilydd y swydd yn cynhyrchu archebion hylifau IV a chynnyrch cysylltiedig ac yn ymgymryd â dyletswyddau gweinyddol i sicrhau bod storfa hylifau'r fferyllfa'n rhedeg yn esmwyth. 

Mae'n sicrhau casgliad prydlon o archebion fferyllfa a dosbarthiad fferyllol i'r holl wardiau ac adrannau.

Mae deilydd y swydd yn ymgymryd â dyletswyddau cyffredinol porthor i sicrhau bod y fferyllfa'n rhedeg yn esmwyth a symud cynnyrch ac offer swmpus fel bo angen. 

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.