Rydym yn chwilio am Ffisiotherapydd Uwch brwdfrydig i ymuno â’n Gwasanaethau Atal ac Ailalluogi Integredig o fewn Gwasanaethau Cymdeithasol Wrecsam. Mae hon yn rôl werth chweil sy’n cynnig cyfle i wneud gwahaniaeth gwirioneddol drwy gefnogi pobl i aros yn annibynnol a byw’n ddiogel yn eu cartrefi eu hunain.

Byddwch yn gweithio’n agos gyda thimau ysbyty i gefnogi rhyddhau cleifion yn ddiogel ac yn amserol, gan gydweithio hefyd â gweithwyr cymdeithasol, therapyddion galwedigaethol, aseswyr gofal cymdeithasol a gweithwyr iechyd a gofal eraill. Byddwch yn cynnal asesiadau ffisiotherapi yng nghartrefi pobl, gan ddefnyddio dull cyfannol i nodi’r cymorth mwyaf priodol. Gall hyn gynnwys cefnogi pobl yn dilyn arhosiad yn yr ysbyty, ymateb i gyfnodau o argyfwng neu ddarparu ymyriadau ailalluogi i helpu pobl i adennill eu hannibyniaeth.

Byddwch yn sicrhau bod pobl yn derbyn y cymorth cywir ar yr adeg gywir, gydag adolygiadau rheolaidd i ymateb i anghenion sy’n newid. Byddwch hefyd yn cefnogi ac yn goruchwylio staff ffisiotherapi iau, gan helpu i ddatblygu eu sgiliau a’u hyder.

Mae hwn yn gyfle ardderchog i ffisiotherapydd sy’n mwynhau gweithio mewn tîm amlddisgyblaethol, sy’n gwerthfawrogi gofal sy’n canolbwyntio ar yr unigolyn ac sy’n angerddol am hybu annibyniaeth.

Mae'r prif gyfrifoldebau'n cynnwys:

• Cynnal asesiadau ffisiotherapi cynhwysfawr a datblygu cynlluniau triniaeth sy'n seiliedig ar dystiolaeth.
• Rheoli llwyth achosion cymunedol amrywiol, gan gynnwys cleifion ag anghenion corfforol ac adsefydlu cymhleth.
• Cefnogi ymdrechion i osgoi derbyniadau i'r ysbyty a hwyluso rhyddhau diogel ac amserol o wasanaethau ysbyty.
• Asesu symudedd, risg o gwympo a gallu gweithredol, gan ddarparu rhaglenni adsefydlu priodol ac argymhellion ynghylch offer.
• Gweithio fel ymarferydd ymreolaethol tra'n cyfrannu'n effeithiol fel rhan o'r tîm amlddisgyblaethol.
• Goruchwylio, cefnogi a datblygu staff, gweithwyr cymorth a myfyrwyr ffisiotherapi.
• Cyfrannu at ddatblygu gwasanaethau, archwilio, mentrau gwella ansawdd a gweithgareddau llywodraethu clinigol.
• Cynnal cofnodion clinigol cywir a sicrhau bod ymarfer yn unol â safonau proffesiynol a sefydliadol.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.  

Cymwysterau

Profiad

Sgiliau

Gwybodaeth

Nodweddion Personol