Trosolwg o'r swydd

Mae’r swydd hon am Gyfnod penodol/Secondiad am 12 mis i gwmpasu absenoldeb mamolaeth.

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

• Bydd deilydd y swydd yn cynorthwyo'r nyrsys/ ymarferwyr cofrestredig i ddarparu gofal dirprwyedig i gleifion arennol. Bydd deilydd y swydd yn ceisio bodloni anghenion holistaidd yr unigolyn ar y cyd â disgyblaethau eraill yn yr amgylchedd gofal iechyd.
• Bydd deilydd y swydd yn ymgymryd ag ystod eang o ddyletswyddau, a bydd disgwyl iddo weithio'n annibynnol, ac fel rhan o dîm, gan oruchwylio cleifion, a'u cynorthwyo fel bo angen.
• Bydd gofyn i ddeilydd y swydd gynnig cymorth i gynefino gweithwyr cefnogi gofal iechyd arennol band 2.
• Bydd deilydd y swydd yn gallu cyflawni elfennau gofal arennol, a chymdeithasol drwy feddu ar wybodaeth a lefel o allu a aseswyd i ymgymryd swydd fel hon - aseswyd yn lleol.

Prif ddyletswyddau'r swydd

Mae dyletswyddau a chyfrifoldebau wedi cael eu dosbarthu fel a ganlyn:

• Gofal cleifion / clinigol
• Llywodraethu Clinigol
• Ymchwil, Hyfforddiant a Datblygiad
• Atebolrwydd Proffesiynol

Mae'r rhain wedi'u hysgrifennu'n fanwl o fewn y disgrifiad swydd atodedig.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.