Trosolwg o'r swydd

Rydym yn chwilio am nyrs(ys) brwdfrydig ac arloesol sydd ag angerdd dros iechyd rhywiol i ymuno â'n tîm integredig yn darparu gofal iechyd rhywiol, HIV ac atal cenhedlu i gleifion gwrywaidd a benywaidd.

Bydd yn ofynnol i ddeilydd y swydd weithio yn ystod y dydd a gyda'r nos ar draws lleoliadau yn yr ardal Dwyrain. Rydym yn chwilio am rywun sydd:

• Yn hynod frwdfrydig ac yn gallu gweithio ar ei liwt ei hun
• Gyda sgiliau cyfathrebu a rhyngbersonol da
• Gyda phrofiad a gwybodaeth o ymarferion a gweithdrefnau diogelu
• Gyda diddordeb proffesiynol ac awydd i weithio yn yr arbenigedd

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Bydd y swydd hon yn dechrau ar Fand 5 ac yn symud i fyny i Fand 6 ar ôl cwblhau hyfforddiant angenrheidiol o dan Atodiad 21.

Prif ddyletswyddau'r swydd

Bydd gofyn i ddeilydd y swydd ddarparu gwasanaeth iechyd rhywiol ac atal cenhedlu o safon uchel i'r holl gleifion sy'n cael mynediad at glinigau iechyd rhywiol, i ddylanwadu ar y datblygiad o rôl y nyrs o fewn y gwasanaeth iechyd rhywiol integredig.  Efallai bydd gofyn i gefnogi a throsglwyddo’r cyfeiriadau o’r gwasanaeth terfynu meddygol os bydd angen.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.