Trosolwg o'r swydd

Trosolwg o’r swydd

Bydd deilydd y swydd yn gwneud y canlynol:

Darparu cymorth gyda sgrinio am Heintiau a Drosglwyddir yn Rhywiol (STI), triniaethau a gwasanaethau gofal.

Darparu cymorth wrth ddarparu gwasanaethau atal cenhedlu fel rhan o’r tîm amlddisgyblaethol.

Cefnogi cyflwyno mentrau a Arweinir gan Nyrsys, gan weithio yn unol â phrotocolau a osodwyd gan y gwasanaeth.

Bod yn warchodwr i feddygon a nyrsys yn ystod archwiliadau organau cenhedlu cleifion.

Cynnal gwaith tŷ a lefelau stoc. Gwneud archebion trwy Oracle.

Cynnal datblygiad personol a phroffesiynol.

Gweithio mewn clinigau ar ôl hyfforddiant a phrofiad priodol, dan oruchwyliaeth gan aelodau o’r tîm nyrsio a’r staff meddygol.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Cyfrannu at wasanaethau iechyd / gofal rhywiol cyfannol o safon uchel a chymryd rhan yn y gwaith o’u rhoi ar waith.

Sicrhau bod gwastraff clinigol yn cael ei waredu’n ddiogel a sicrhau bod biniau eitemau miniog yn cael eu newid a’u gwaredu’n rheolaidd yn unol â chyngor ynghylch rheoli heintiau.  Cyfyngu ar amlygiad i beryglon.

Casglu sbesimenau ar ôl hyfforddiant priodol (gwythïen-bigo) a chynnal profion wrin a dogfennu canlyniadau'n gywir (profion beichiogrwydd / labstix).

Sicrhau bod sbesimenau a gwaed yn cael eu labelu'n gywir, eu hadnabod a'u casglu'n ddiogel a'u bod yn cael eu cludo'n ddiogel i'r labordy.

Darparu gwybodaeth sylfaenol gan gydnabod ei derfynau / rôl ei hun a meddu ar y gallu i egluro gweithdrefnau profi.  Helpu i oresgyn rhwystrau i ddealltwriaeth cleifion o wybodaeth am eu gweithdrefn / heintiau a drosglwyddir yn rhywiol.

Paratoi a chefnogi cleifion ar gyfer archwiliad a chynorthwyo a chefnogi staff uwch i ddarparu gweithdrefnau gofal clinigol.

Parchu credoau cymdeithasol, diwylliannol a chrefyddol cleientiaid.

Asesu cyflwr cleifion yn ystod ac ar ôl y weithdrefn archwilio.

Cyflawni dyletswyddau clinigol yn unol â chanllawiau, gweithdrefnau a phrotocolau gwasanaeth a safonau a pholisïau lleol y Bwrdd a rhai'r GIG.

Cynorthwyo i fonitro safonau gofal o fewn Fframwaith Llywodraethu’r Bwrdd a’r blaenoriaethau y cytunir arnynt.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.