Trosolwg o'r swydd

Ydych chi'n rhagweithiol gyda sgiliau trefnu da?

Ydych chi'n mwynhau gweithio mewn amgylchedd cyffrous sy'n parhau i ddatblygu?

Bydd yr ymgeisydd llwyddiannus yn cefnogi'r Pennaeth Strategol ar gyfer Fferyllfeydd Cymunedol yn natblygiad a gweithrediad gwasanaeth fferyllol cymunedol newydd ar draws BIPBC.  Bydd yn gweithio ochr yn ochr â'r Tîm Rheoli Meddyginiaethau a Fferyllfeydd a gyda Phenaethiaid Iechyd Cyhoeddus a Gofal Cychwynnol o fewn y Bwrdd Iechyd ac yn cefnogi gwerthusiad prosiectau peilot a'u cyflwyniad parhaus.  Bydd angen sgiliau arwain, adeiladu perthnasau, a gweithio ar y cyd ar draws gofal cychwynnol ac eilaidd.

Bydd y rôl yn cynnwys teithio o amgylch ardal y Bwrdd Iechyd, gan gynnwys ymweliadau rheolaidd i fferyllfeydd cymunedol a darparwyr gofal iechyd cychwynnol, yn ogystal â chyfarfodydd amlddisgyblaethol a gweithgareddau desg yn cynhyrchu adroddiadau.  Gall yr ymgeisydd llwyddiannus drafod ble bydd wedi ei leoli, yn ddibynnol ar yr ardal y bydd yn ei gwasanaethu ac ystyrir rhannu swydd/rolau rhan amser hefyd.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Mae un rôl amser llawn ar gael, yn cwmpasu Wrecsam a Sir y Fflint, neu Gonwy a Sir Ddinbych, yn dibynnu ar anghenion y gwasanaeth ar adeg y penodiad.

Prif ddyletswyddau'r swydd

• Cefnogi Gwasanaethau Fferylliaeth Gymunedol: Hyrwyddo darparu gwasanaethau fferyllol diogel, o ansawdd uchel, ac effeithlon o ran cost mewn fferyllfeydd cymunedol.
• Adeiladu Perthnasau: Datblygu perthnasau gwaith cryf gyda thimau fferylliaeth a gweithredu fel cyswllt cefnogol rhwng y fferyllfa gymunedol a’r bwrdd iechyd.
• Archwilio a Monitro: Cynnal archwiliadau neu werthusiadau o wasanaethau fferylliaeth gymunedol ac adnabod meysydd i'w gwella, gan gefnogi’r broses o weithredu unrhyw new a gytunwyd.
• Datblygu Gwasanaethau: Cynorthwyo gyda chyflwyno a gwella gwasanaethau fferylliaeth gymunedol.
• Cyswllt Traws-Sector: Gweithio ar draws sectorau (ysbyty, gofal cymdeithasol, meddygfa) i ddatrys materion sy’n ymwneud â gwasanaethau fferylliaeth gymunedol.
• Addysg a Hyfforddiant: Cefnogi timau fferylliaeth gymunedol i gael mynediad at addysg a hyfforddiant sy'n berthnasol i ddarparu gwasanaethau a gomisiynwyd gan y GIG.
• Cyfathrebu: Lledaenu rhybuddion, adroddiadau, deunyddiau addysgol, a newidiadau i arferion i’r rhanddeiliaid perthnasol.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.