Trosolwg o'r swydd

Prif ddyletswyddau'r swydd

Mae cyfle wedi codi i ymuno â’r sefydliad cyffrous a deinamig hwn sydd wedi’i leoli yn Nhîm Caffael Rheng Flaen Hywel Dda.
Fel rhan o’r tîm rheng flaen, byddwch yn aelod allweddol o’r tîm sy’n gyfrifol am gyflawni Strategaeth Gaffael PCGC a byddwch yn cefnogi’r Bwrdd Iechyd i gyflawni ei nodau strategol.
Mae hwn yn gyfle gwych i ddatblygu eich gyrfa caffael mewn amgylchedd cefnogol, deinamig, amrywiol a heriol, gan weithio ar flaen y gad o ran darparu nwyddau a gwasanaethau sy’n cynnig gwerth am arian i’r GIG a thrwy hynny’n cefnogi llesiant a chenedlaethau’r dyfodol yng Nghymru.
Nod Partneriaeth Cydwasanaethau GIG Cymru yw galluogi’r ddarpariaeth o wasanaethau cyhoeddus yng Nghymru o’r radd flaenaf, a hynny trwy ganolbwyntio ar y cwsmer, cydweithredu ac arloesi.
Mae Partneriaeth Cydwasanaethau GIG Cymru yn croesawu ceisiadau gan bobl sy’n arddel ein gwerthoedd:
* Gwrando a dysgu
* Gweithio gyda’n gilydd
* Cymryd cyfrifoldeb
* Arloesi
Mae'r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg fel ei gilydd wneud cais

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl.

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.