Trosolwg o'r swydd

Mae’r Ffisiotherapydd Arweiniol Clinigol Band 7 yn darparu arweinyddiaeth glinigol, broffesiynol a gweithredol yn y Gwasanaeth Ffisiotherapi i Blant a Phobl Ifanc. Mae deiliad y swydd yn gyfrifol am ddarparu gwasanaeth ffisiotherapi tra arbenigol i blant a phobl ifanc ag ystod o gyflyrau datblygiadol, niwrolegol, cyhyrysgerbydol a hirdymor, gan sicrhau bod gofal yn seiliedig ar dystiolaeth, yn ddiogel ac yn canolbwyntio ar yr unigolyn.  

Mae’r Arweinydd Clinigol yn gyfrifol am gefnogi’r gwaith o gyflawni amcanion y gwasanaeth, mentrau gwella ansawdd, trefniadau llywodraethu clinigol,  a safonau proffesiynol ledled y gwasanaeth. Mae’n darparu arweinyddiaeth glinigol a chyngor arbenigol i gyd-weithwyr ffisiotherapi a’r tîm amlddisgyblaethol ehangach, gan gefnogi’r broses o ddatblygu arfer gorau a darparu gwasanaeth cyson.  

Mae’r rôl wedi’i lleoli yn Sir Gaerfyrddin, sef sir fwyaf Cymru, sy’n cynnig cyfuniad unigryw o drefi bywiog, cymunedau gwledig, ac arfordir prydferth. Gydag ymdeimlad cryf o gymuned a diwylliant Cymreig, mae’r sir yn darparu amgylchedd rhagorol i fyw a gweithio ynddo. Mae’r Gwasanaeth Ffisiotherapi i Blant a Phobl Ifanc yn darparu gofal ar draws ardal ddaearyddol amrywiol, gan gynnig cyfleoedd gwerth chweil i wneud 
gwahaniaeth ystyrlon i fywydau plant, pobl ifanc a theuluoedd.  

Prif ddyletswyddau'r swydd

A chithau’n arbenigwr allweddol yn y Gwasanaeth Ffisiotherapi i Blant, byddwch yn chwarae rhan arweiniol wrth ddarparu gofal ffisiotherapi o ansawdd uchel i blant a phobl ifanc ledled Bwrdd Iechyd Prifysgol Hywel Dda. Mae hwn yn gyfle cyffrous i ddylanwadu ar ddatblygiad y gwasanaeth, darparu arweinyddiaeth glinigol, a chefnogi datblygiad y 
gweithlu mewn tîm amlddisgyblaethol. 

Mae’r prif gyfrifoldebau’n cynnwys: 

• Darparu arweinyddiaeth glinigol a phroffesiynol yn y gwasanaethau ffisiotherapi pediatrig arbenigol. 
• Datblygu a chynnal safonau uchel o ymarfer seiliedig ar dystiolaeth.  
• Cefnogi datblygiad ffisiotherapyddion a staff cymorth trwy hyfforddiant, goruchwyliaeth a dysgu. 
• Cydweithio â phlant, pobl ifanc, teuluoedd, darparwyr addysg ac asiantaethau partner i wella canlyniadau a’r gwasanaeth a ddarperir. 
• Darparu cyngor a chymorth arbenigol i blant a phobl ifanc aganghenion cymhleth.  
• Arwain gweithgareddau gwella ansawdd, archwilio, llywodraethu a datblygu gwasanaeth.  
• Rheoli llwyth achosion clinigol cymhleth, a chynnal asesiadau, ymyriadau a gwerthusiadau arbenigol. 
• Cefnogi datblygiad staff a myfyrwyr trwy oruchwyliaeth, mentora ac arfarnu. 
• Cyfrannu at ddatblygiad strategol y Gwasanaethau Ffisiotherapi i Blant. 

Mae’r rôl hon yn ddelfrydol ar gyfer ffisiotherapydd pediatrig profiadol sy’n frwd ynghylch gwella canlyniadau i blant a phobl ifanc a llywio arloesedd yn y gwasanaethau ffisiotherapi cymunedol.  

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu